看了一套好似好浪漫的電影, 一看就知是郭在容的電影. 主題與他之前的所有作品一樣, 緣份 + 時空... 依舊靠女主角帶動故事發展..綾瀨遙真係做得幾好...如果諗住睇電腦特技效果就勸大家慳番張飛去睇荷里活大片 la. 如果論感人, 其實我覺得"我的野蠻女友" 感人d, 始終睇住個機械人, 有d超現實會冇咁易投入倒..
「我想要女朋友！」(也是我小貓咪想說的話) 孤伶伶一個人度過20歲生日的次郎（小出惠介飾），在內心中瘋狂吶喊著。於是，老天爺安排了一個…嗯…異常漂亮的女孩（綾瀨遙飾）出現在寂寞的次郎面前。次郎與女孩就這麼一起度過有史以來最開心的生日。不過，就如灰姑娘的南瓜馬車在午夜12點的消失，生日一過，女孩也就消失了。
偶爾想念女孩的次郎，回到了孤獨的單身漢生活，直到一年後的同一天，又再度遇上了‘她’…
一如以往，開始的首30分鐘，給觀眾一個懸念。然後，以溫馨、搞笑、甜蜜的情節將故事推進。跟著，表達故事的主題──回憶的難忘和重要。綾瀨遙帶次郎回到家鄉，再次用心的感受故鄉的情懷。我很喜歡郭導演以老舊的日本歌曲，襯托故鄉的迷霧，配上次郎對奶奶的掛念之情，感動人心，眼紅了。溫情過後，兩人的關係起了變化。次郎把她拋棄，但是，大災難出現。患難中，兩人終於了解彼此的心意。明白了，分離的時刻卻緊隨其後。我，眼淚直下。
他模仿九十年代的周星馳主演的電影中的搞笑手法，如果由木村演出，效果加倍。觀眾笑得更開心﹗(又是木村，哈﹗)綾瀨遙和小出惠介的演出令人感到舒服。特別是綾瀨遙的進步，非常明顯。因為這個角色是一部沒有感情的機械人，慢慢地變得人性化。過程的心理變化不少，她表達得很好。在Disco跳出Popping (模仿機械人的動作)，看到她用了不少時間學習和練習。從《在世界中心呼喚愛》的劇集版，已經開始注意她。現在，更加喜歡這位女演員。配樂和主題曲是郭在容導演的作品裡另外一個亮點，《我的機械人女友》依然。看過它後，足夠引起你購買Sound track的興趣。音樂和畫面的配合完美，相輔相承。
但係呢套戲我覺得最精彩就係佢一條時空交錯嘅時間線, 其實真係唔係好明, 諗落真係有d漏洞.. 以我理解就係話一開場小出惠介就遇倒"真人"綾瀨遙突然同佢慶祝生日 (故事後來有解釋番), 之後真人"綾瀨遙就再冇出現過, 小出惠介其後遇到意外殘廢咗, 咁佢就致力根據女主角個樣研究出機械人, 再用時光機送佢番去佢自己第一次遇到"真人"女主角之後一年幫自己改變命運, "機械人"綾瀨遙果然幫小出惠介避過一劫, 但係"機械人"綾瀨遙亦重傷, 小出惠介便努力修理"機械人"綾瀨遙, 再過咗 n年後, 未來"真人"綾瀨遙 在拍賣會上見到與自己一模一樣的修理後"機械人"綾瀨遙 (已成為古董), 便買下來, 原來機械人的記憶晶片裝著與小出惠介的一段段回憶, 未來"真人"綾瀨遙經歷這些回憶後深受感動, 於是決定坐時光機回到過去找小出惠介親身體會.. 以我所理解這個回到過去的未來"真人"綾瀨遙亦正正是一開場的"真人"綾瀨遙, 這亦可以解釋到為何一開場"真人"綾瀨遙會突然同小出惠介慶祝...
但係問題就出現了, 一開始係由未來"真人"綾瀨遙令到小出惠介造出"機械人"綾瀨遙 , 之但係如果未來"真人"綾瀨遙冇見到個"機械人"綾瀨遙 就唔會回到過去wor. 咁咪好矛盾lor, 出現的先後次序有問題wor. 真係唔係好明...
係真係編劇疏忽, 定係導演想暗示緣份係冇原因, 亦係冇起點, 冇終結呢?! 又定係我諗錯 or 諗得太多呢.. 唔知有冇人睇過呢套戲又明我講乜, 可以解答吓我呢??????
浪漫、特技、甜蜜、感動、搞笑──你可以在《我的機械人女友》一一找到。有伴侶的朋友，請和另外一半一起欣賞它。這是我的誠意推介。
點都好, 呢套都係一套唔錯嘅電影, 未睇快d睇喇 !
留言列表
